ಅಂಬಾಗಾರತಿಯನ್ನು ದೇವಿಗಾರತಿಯನ್ನು ರಂಬೇರು ಬೆಳಗಿರೆ [ Ambagaratiyannu devigaratiyannu ramberu belagire ] - ಮಂಗಳಾರತಿ ಪದ

ಅಂಬಾಗಾರತಿಯನ್ನು ದೇವಿಗಾರತಿಯನ್ನು ರಂಬೇರು ಬೆಳಗಿರೆ

ಶುಂಬಾ ನಿಶುಂಭರ ಸಂಹಾರಿಗೆ ಶಂಕರಿಗೆ || ಪ ||

ಕುಂಬಕುಚ ಜಗದಂಬೆ ನಿನ್ನ ಪಾದ

ನಂಬಿಕೊಂಡೆನು ನರಶರೀರದಿ

ಅಂಬುಕೇಶನ ರಾಣಿ ಶರಣರ

ಬಿಂಬದೊಳು ನಲಿದಾಡು ಜನನಿಗೆ || ಪ ||

ಕೆಟ್ಟ ದ್ಯೆತ್ಯರನೆಲ್ಲ ಕೆಟ್ಟ ದ್ಯೆತ್ಯರನೆಲ್ಲ ಮೆಟ್ಟಿ ಕುತ್ತಗೆ ಕೊಯ್ದು

ಸುಟ್ಟು ತ್ರಿಪುರಗೆದ್ದ ಶ್ರೀಕಾಂತೆಗೆ ಶಂಕರಿಗೆ

ಬ್ರಷ್ಟಮಹಿಷನ ಹೊಟ್ಟೆ ಬಗೆದು

ಬೆಟ್ಟ ಕೊಳ್ಳಕೆ ಇಳಿದ ರೇಣುಕೆ

ಸೃಷ್ಟಿಯೊಳು ಪಟ್ಟದ ಬ್ರಹ್ಮನ

ಶಿರವನ್ಹರಿಸಿದ ಪರಮಪಾರ್ವತಿಗೆ || ೧ ||

ಹಿಂಡ ರಕ್ಕಸರನ್ನು ಹಿಂಡ ರಕ್ಕಸರನ್ನು ಚಂಡಾಡಿ ಕೊರಳೊಳು

ರುಂಡಮಾಲೆಯ ಧರಿಸಿದ ಚಾಮುಂಡಿಗೆ ಶಂಕರಿಗೆ

ಮಂಡಲದಿ ಮೆರೆವಂಥ ಭಂಡರ

ತುಂಡುಮಾಡಿದ ಅಖಂಡ ದೇವತೆ

ಕುಂತಳೇ ಶಿಶುನಾಳಧೀಶನ

ಕಂಡೆ ನಿನ್ನಯ ಪಾದನೇತ್ರದಿ || ೨ ||